Social Media Marketing အခြေခံများ

Social Media ခေတ်ဖြစ်လာတော့ လုပ်ငန်းတိုင်းက Facebook မှာ ကြော်ငြာရမှာကို

နားလည်သဘောပေါက်ကြပါတယ်။ ဒါပေမယ့်လည်း အခုအချိန်အထိ Post ကို Like များချင်တယ်။ ရောင်းလည်းရောင်းရချင်တယ် ဒါပေမယ့် Page Like ကိုလည်း တက်ချင်တယ် အစရှိသဖြင့် သေချာရေရာတဲ့ Goal Setting တွေကို ချမှတ်တဲ့အပိုင်းမှာတော့ အားနည်းနေပါသေးတယ်။

အများစုက ရေတို ရလာဒ်ကို ကြည့်ကြပြီး ဒါကလည်း မမှားပေမယ့် လုပ်ငန်းအနေနဲ့ နောင် နှစ်ပေါင်းများစွာ အထိ တည်ရှိမှာဖြစ်လို့ ရေတိုနဲ့ ရေရှည်ကို တွဲပြီး စဉ်းစားသင့်ပါတယ်။

ဒါကြောင့် ဘယ်လောက်ပဲ လုပ်ငန်းသေးပါစေ Social Media Marketing ကို သေချာ Strategy ချမှတ်ပြီးလုပ်ဆောင်သင့်ပါတယ်။

Social Media Marketing Strategy လို့ပြောလိုက်ရင် အတော်များများက လန့်တတ်ကြပါတယ်။ ရှုပ်ထွေးတဲ့ အရာတွေအများကြီးနဲ့ Powerpoint Slide တစ်ရာလောက်ဖြစ်မလားဆိုပြီး Social Media Marketing Strategy နဲ့ ဝေးဝေးနေတတ်ကြပါတယ်။

One Page Social Media Marketing Strategy

ဒါကြောင့်လည်း One Page Social Media Marketing Strategy ဆိုတဲ့ Template လေးကို မိတ်ဆက်ပေးချင်ပါတယ်။ အောက်က ပုံလေးကတော့ အဆင်သင့်ဖြည့်ပြီး လိုက်လုပ်လို့ရတဲ့ One Page Social Media Marketing Strategy Template လေးပါ။ ဒီ Strategy ကို ဖန်တီးပြီးမှသာ ကျန်တဲ့ Content Calendar (သို့မဟုတ်) Content Plan တို့ကို လုပ်စေချင်ပါတယ်။ One Page Social Media Marketing Strategy Template ကို ဒီလင့်ကနေတဆင့် Download လုပ်နိုင်ပါတယ်။

One Page Social Media Marketing Strategy Template (nanoomarketing.com)

Social Media Marketing One Page ကို ဘယ်ကစဖြည့်မလဲဆိုရင်တော့ အောက်ကပုံလေးကို တစ်ချက်ကြည့်ပေးစေချင်ပါတယ်။

အရင်ဆုံး Business at a Glance အပိုင်းမှာ လက်ရှိဖြစ်ပျက်နေတာတွေကို လေ့လာသုံးသပ်ဖို့လိုပါတယ်။ ပြီးတာနဲ့ Competitor တွေရဲ့ အခြေအနေကို ကြည့်ဖို့လိုပါတယ်။ နောက်ပြီးရင်တော့ Target Audience ကို နားလည်ဖို့ လုပ်သင့်ပါတယ်။ အဲ့ဒါပြီးမှ Marketing Goals တွေသတ်မှတ်ပြီး တစ်ပြိုင်တည်းမှာ Advertising Budget ကို သတ်မှတ်ဖို့လိုပါတယ်။ Budget သိပြီဆိုရင်တော့ ကြော်ငြာမယ့် Channel ကို​ရွေးပြီးနောက်မှာ Channel အလိုက်သင့်တော်တဲ့ Content pillar တွေထုတ်ဖို့လိုပါတယ်။

Business at a Glance

ဒါဆိုရင် Business at a Glance ဆိုတာလေးနဲ့ စလိုက်ရအောင်။ ဒီအပိုင်းမှာတော့ ကိုယ့်လုပ်ငန်းက လက်ရှိ ဘယ်နေရာကိုရောက်နေလဲဆိုတာကို ပြန်ပြီး သုံးသပ်တာပဲဖြစ်ပါတယ်။ လုပ်ငန်းအများစုက ရှေ့ကိုပဲ ချီတက်လေ့ရှိပြီး နောက်မှာ ဘာဖြစ်နေသလဲ၊ လုပ်ငန်းက ဘာဖြစ်နေလဲဆိုတာ အချိန်ပြန်ယူပြီး လေ့လာဆန်းစစ်တာ မလုပ်တတ်ကြပါဘူး။ 

လုပ်ငန်းတွေက အမြဲတမ်း ပြောင်းလဲ တိုးတက်/ဆုတ်ယုတ်နေတတ်တာမို့ ဒီ အားသာချက်၊ အားနည်းချက်၊ အခွင့်အရေး၊ ပြင်ပခြိမ်းခြောက်မှုများ ဆိုတာတွေကို စဉ်းစားရေးချလိုက်မယ်ဆိုရင် ကိုယ်လိုနေတာတွေ၊ ကိုယ့်အားသာတာတွေ၊ ပြင်ပကမ္ဘာရဲ့ တိုးတက်မှုတွေကို တစ်ချက် သတိထားမိသွားပါလိမ့်မယ်။ ဒီလိုမျိုး ကိုယ့်လုပ်ငန်းအနေအထား ရှင်းသွားပြီဆိုမှ Social Media မှာ ဘာတွေတင်မလဲစဉ်းစားတာက ပိုပြီး သင့်လျော်ပါတယ်။

Target Audience

လိမ္မော်သီးရောင်းတဲ့ လုပ်ငန်းဆိုရင်တော့ လိမ္မော်သီးစားချင်တဲ့သူတိုင်းကိုရောင်းရမှာပါပဲ။ အဲ့ဒါက မထူးဆန်းပါဘူး။ ဒါပေမယ့် လူတိုင်းကို ရောင်းမယ်လို့ စဉ်းစားနေရင်တော့ Marketing မှာ အဆင်မပြေပါဘူး။ လူ့အလို နတ်မလိုက်နိုင်ဆိုသလို များစွာသော လူအားလုံးရဲ့ လိုအင်တွေကို ဖြည့်ဖို့က မဖြစ်နိုင်ပါဘူး။ ဒါကြောင့် Marketing မှာ STP (Segmentation, Targeting, Positioning) ဆိုတာကို အသုံးပြုကြတာပါ။ 

အခု Social Media Marketing မှာတော့ အဲ့လောက်ကြီး အသေးစိတ်မသွားတော့ပါဘူး။

Target Audience ကိုသာ သေချာလေး ရွေးဖို့ပဲလိုတာပါ။ Target Audience ကို ဘယ်လိုမျိုး သတ်မှတ်မလဲ? တကယ်လို့ ကိုယ်က လည်ပတ်နေပြီးသား လုပ်ငန်းဆိုရင်တော့ လက်ရှိ Customer Database ကို ပြန်ကြည့်ရပါတယ်။ CRM System သုံးရင်လည်း အဲ့မှာ ပြန်ရှာလို့ရပါတယ်။ ဘယ်လို Customer မျိုးတွေ ရှိနေပြီလဲပေ့ါနော်။

တကယ်လို့ Customer လုံး၀မရှိသေးဘူး အခုမှ စမယ့် လုပ်ငန်းဆိုရင်တော့ Semi-Fictional Persona တည်ဆောက်ဖို့လိုပါတယ်။ Target Audience ဖန်တီးရာမှာ

အသက်အရွယ်၊ ကျား/မ၊ နေထိုင်ရာအရပ်၊ ကြုံတွေ့နေရသော အခက်အခဲများနဲ့ ဘယ်လိုအချက်တွေကြောင့် သင့်လုပ်ငန်းကိုရွေးသင့်တယ်ဆိုတာမျိုးတွေကို မပါမဖြစ်ထည့်ဖို့လိုပါတယ်။

Marketing Goals

SMART Goals တွေ သတ်မှတ်တာကိုတော့ မှတ်မိကြဦးမယ်ထင်ပါတယ်။ 

S = Specific

M = Measurable

A = Attainable

R = Relevant

T = Time bound

Advertising Budget

ပြီးရင်တော့ Advertising Budget သတ်မှတ်ရတော့မှာပါ။ Advertising Budget ကို Marketing Budget နဲ့ ရောတတ်ကြပါတယ်။ အောက်ကပုံကိုကြည့်ရင်တော့ ပိုပြီး ရှင်းလင်းသွားမယ်ထင်ပါတယ်။

Advertising Budget ဆိုတာ Marketing Budget ရဲ့ တစ်စိတ်တစ်ပိုင်းပဲဖြစ်ပါတယ်။ ကြော်ငြာဘတ်ဂျက်တွက်နည်းတွေ​အများကြီးရှိပါတယ်။ ဒီ Advertising Spend Calculator ကတော့ အမြန်နဲ့ အလွယ်တွက်လို့ရအောင် ကူညီပေးပါလိမ့်မယ်။ 

Advertising Budget Calculator (nanoomarketing.com)

Marketing Channel

ဘတ်ဂျက်တွက်ပြီးရင်တော့ Marketing Channel တွေရွေးရပါတော့မယ်။ Channel ရွေးတဲ့အခါမှာ ကိုယ့် Target Audience တွေရှိမယ့် Channel တွေကိုဦးစားပေးရွေးဖို့လိုပါတယ်။ အဲ့ဒီအတွက် Platform အလိုက် User အရေအတွက်တွေ၊ အသုံးပြုပုံတွေကို နားလည်ရပါမယ်။

နောက်တစ်ချက်ကတော့ Channel ရွေးတဲ့အခါ ချက်ချင်း Result မြင်ရမယ့် Channel တွေနဲ့၊ အချိန်ယူရမယ့် Channel တွေကို သိဖို့တော့လိုပါတယ်။ ဒါမှ ကိုယ်လိုချင်တဲ့ Marketing Objective နဲ့ ကိုက်ညီတဲ့ Channel တွေကိုရွေးမိမှာပါ။

ပြီးရင်တော့ Competitor တွေအသုံးပြုနေတဲ့ Channel တွေကိုလည်း Analysis လုပ်သင့်ပါတယ်။

Content Pillars

အပေါ်ကပြောတဲ့ အချက်တွေ အကုန်ပြီးရင်တော့ Content Pillar အပိုင်းရောက်ပါပြီ။ Social Media ဖြစ်တဲ့အတွက် Content တွေကို အရောင်းနဲ့ ပတ်သက်တာတွေချည်းပဲ တင်မယ့်အစား အခြား သင့်လျှော်တဲ့ Content အမျိုးအစားတွေကိုလည်း ထည့်သွင်းသင့်ပါတယ်။

အောက်မှာပြထားတဲ့ ပုံထဲကလို Content Pillar တွေစဉ်းစားပြီး Content Plan လုပ်မယ်ဆိုရင်တော့ ပိုပြီး ထိရောက်တဲ့ Result တွေမြင်ရမှာပါ။